"Levi!"
Napalingon ako kay Uncle Eman nang tawagin niya iyong lalaking nambastos sa akin kanina sa parking. Nagbaling ako ng tingin doon sa Levi. Halata mo ang pagka-asiwa sa kanyang mukha. Mukhang ayaw niyang lumapit kay Uncle Eman, pero wala naman siyang choice. Malamang. VP for Finance lang naman si Uncle Eman sa AGC.
Wala na sa amin ang atensiyon ng mga empleyado. Busy na sila sa pagkuha ng pagkain sa buffet table. Nakakatuwa na may hinanda pa silang snacks para lang sa pag-welcome nila sa akin dito sa AGC.
"V-Vice..." bati nung Levi kay Uncle Eman. Nakatingin lang ako sa kanya. Pero siya, hirap na hirap siyang tingnan ako.
"Where have you been? You haven't been introduced to my niece, Atasha, right?" sunod-sunod na tanong sa kanya ni Uncle Eman.
Biglang namutla ang mukha ni
