Lakad-takbo ang ginawa ko pagsapit namin sa provincial hospital ng Trinidad. Nauna na ako sa information desk. Ayokong marinig ni Red ang apelyido ni Amethyst na babanggitin ko.
"Atasha!"
Napalingon ako. Nakita ko si Mrs. Vaughn na kinikimbatan ako ng kamay.
"I know her room."
Agad akong tumakbo kung saan nakatayo si Mrs. Vaughn.
"Sa third floor tayo," sabi niya, habang naglalakad kami papunta sa elevator.
"Nasa Room 305 siya," muling sabi ni Mrs. Vaughn nang nakasakay na kami ng elevator.
Isang marahang tango lang isinagot ko kay Mrs. Vaughn, abot-abot ang kaba ko hanggang hindi ko nakikita si Amethyst. Para sa akin, tila napakatagal bago kami makarating sa ikatlong palapag. Naramdaman ko pa ang pagpisil ni Red sa isang kamay ko, kaya napalingon ako sa kanya. Nakatingin din si
