ISANG play mula kay Montemayor at Ibañez ang ibinungad ng CU matapos ang kanilang pagtawag ng time-out. 44-32 ang score matapos ang dakdak ni Gregor at sa pagbalik ng possession sa CISA ng bola ay seryoso na silang hinintay ng Ballers sa kanilang side.
Naging maingat ang dribbling na ginawa ni Romeo lalo’t seryoso lang na nakabantay sa kanya si Marcos. Nakatingin din siya sa kanyang mga kasamahan at nakikita na naman niya ang higpit ng depensang ginagawa ng mga ito sa kanila.
Bigla nga siyang dinikitan ni Jake na naging dahilan upang siya ay mapaatras at nabigla siya nang lumitaw sa tabi niya si Montemayor na aagawin na mula sa kamay niya ang bola.
Nakahinga nang maluwag ang bench ng CISA nang mabilis na nakaiwas si Baltazar sa muntikan nang turnover na iyon. Ang bola ay madali niyang i
