HINDI makapaniwala ang marami sa ginawa ni Dizon kanina sa dunk ni Ibañez, at lalo na nang dumakdak ito. Si Ibañez nga ay hindi naiwasang mapaseryoso sa ginawang iyon ni Larry sa kanya. Sa pagbalik ng bola sa kanilang team ay kaagad niyang hiningi ito kay Marcos. Sinambot niya ito at nang tatakbo na siya papunta sa basket ay nabigla siya nang matapik ng kanyang defender ang bola niyang hawak.
Isang steal mula kay Dizon ang nasaksihan ng lahat at ang mga manonood ay napalunok ng laway sa kanilang nakita. Isang mabilis na paghabol sa bola ang ginawa nito at si Ibañez ay mabilis na bumalik upang ito ay pigilan.
Dumiretso si Karlo at alam niyang dadakdak uli ito sapagkat alam niyang isa itong dunker kaso, nang lumampas siya sa three-point arc sa side ng CISA ay nabigla siya nang tumalon si D
