SINAMBOT na nga ni Larry ang bola na ipinasa ng referee sa kanya. Kasalukuyan nga siyang nasa freethrow line para gawin ang kanyang bonus shot mula sa foul na nakuha ng kanyang defender kanina. Kasabay nga ng pagbitaw niya sa bola ay ang malakas na cheer ng crowd para sa CISA. Pumasok ang tira niya at 31-22 ang naging score matapos iyon.
Paatras na lumayo si Dizon at si Kier ay napangiti sa ginawa nito. Ang mga manonood naman nga ay napatuon ang atensyon kay Larry dahil sa ipinakita nito. Maging si Mover Flores nga ay biglang nakakita ng potensyal sa manlalarong ito at nais niyang pagkatapos ng game ay makausap niya ito para tanungin ng mga bagay-bagay.
Nasa CU na muli ang bola at si Marcos na siyang nagtawid ay napatingin sa kakampi niyang si Ibañez na kasalukuyang hinihingi ang bola. I
