PINASOK muna ni Coach Erik sina Baltazar, Salvador, Dizon at Macatangay sa pagsisimula ng second quarter. Si Kier Cunanan ay nanatili sa line-up at matapos ang ilang pag-uusap ay pumasok na ang apat sa loob ng court. Si Larry naman ay kanina pang nag-i-stretching sa loob na agaw-atensyon talaga sa mga manonood na walang nagawa kundi ang siya ay pagtawanan.
Sa CU naman ay muling ipinasok nila si Ibañez na naging dahilan para ang kanilang mga fans ay mag-ingay. Kasunod din nga nito ang kanilang rookie na si Jake Marcos na tinilian kaagad ng mga babae nitong fans. Naroon din si Gado ang reserve center nila at si Ramos na kanilang power forward. Ipinasok din ni Coach Wesley si Jimenez at ang pinabantayan niya para rito ay si Cunanan kapag nasa CISA ang bola.
Sa possession ng CU ang bola sa p
