NAKARAMDAM si Trey ng kakaibang kilabot sa katawan nang makita ang ginawa ni Ricky Mendez. Malinaw pa sa mga mata nito kung paano nito inisahan ang dalawa nilang matatangkad na manlalaro at patunay lang ito na ang player na may numero tres ay nasa lebel na nga ng pagiging isang superstar sa loob ng court.
Seryoso ngang naglakad si Trey papunta kina Williams at Holmes. Pagkalapit niya sa dalawa ay isang malakas na palo sa pwet ng dalawang malalaki niyang kakampi ang kanyang ginawa. Paglampas niya sa mga ito ay nagsalita si Trey na nakapagpangiti sa dalawang frontcourt players na iyon.
“Heads-up!” winika ni Trey at doon na nga sumeryoso ang binata at habang nangyayari iyon ay kalmado namang nakamasid dito ang kakambal na si Troy.
“Sorry, Captain,” bulalas na lamang ni Williams na
