NAPASERYOSO si Coach Rhodora sa kung sino ang Viray na iyon matapos ang high-flying dunk na nakita niya mula rito. Hindi niya akalain na may ganitong manalalaro palang naiitago si Erik na hindi naman niya nakikita sa mga naging laro ng CISA ngayong CBL. Kailangan niyang panoorin ang magagawa nito upang magawan niya ng paraan, pero may tiwala pa rin naman siya sa player niyang si Holmes na alam pa rin niya na kayang-kaya nitong talunin sa posisyon.
Ang mga manonood ay napatingin na lamang kaya Viray at rumehistro sa utak niya ang dakdak nito na hindi nila akalaing magagawa ng kung sinumang player na iyon.
“Ang pogi rin pala noong Viray,” sabi naman ng ilang mga babaeng nanonood ng game.
Inayos nga ni Kim ang nagulo niyang buhok at pinagmasdan pa niya ang ring matapos iyon. Hini
