ANG GAME 2 performance ni Ricky Mendez ay isang bagay na yumanig sa mundo ng basketball sa CBL, lalo na para sa mga naroong nakapanood nito. Naroon sina Mover Flores at habang pinapanood nila si Ricky nang oras na iyon ay para itong isang bagong manlalaro sa mga mata niya. Naalala niya nga ang nangyaring pagtalo nito sa kanila noong isang araw, at kahit na hindi iyon isang opisyal na laban sa gitna ng maraming crowd ay hindi pa rin mawala sa isip niya na hindi nila nagawang pigilan ito. Magkahalong saya at kaseryosohan na nga lang ang naramdaman niya dahil sa 48-points game na ipinamalas ng binata. Kahit pa sabihing kulang ang DWCC sa labang iyon dahil sa hindi paglalaro ng dalawang Agoncillo ay isang malinaw na statement ito para sa lahat kung sino na siya ngayon.
“Deserving ka nga talag
