AYAW sanang sabihin ni Ricky sa mga kasamahan niya ang nangyari, kaso, sino ba naman siya para magsekreto pa sa mga ito? Ikinwento nga niya sa mga kasamahan niya ang nangyari at kung bakit hindi naglaro ang kambal noong game 1. Ayaw niya sanang ikwento ito dahil sabi ni Baron ay huwag niyang ipagsabi sa iba, pero, may tiwala rin naman siya sa mga kasama niya na sinabihan niyang huwag na lang ipagkalat. Huwag na rin daw muna nilang sabihin sa iba nilang kasamahan para manatiling sekreto ito na kaagad namang pinaboran ng apat na kasama niya.
“Kaya pala hindi naglaro ang dalawang mayabang na iyon. Sayang, gusto ko pa naman sana silang ilampaso,” seryosong winika ni Rommel at napatingin siya sa loob ng sasakyan ni Babalu. Bumalik nga ang pagkamangha niya sa kotseng dala nito. Hindi pa rin siy
