“LISA… mukhang okay nga talaga sa CISA.” Ito ang nasa isip ni Larry matapos ang muli niyang pag-dunk kay Ibañez, at ganoon din pagsabay sa kanya ni Mendez sa pagsayaw. Sandali nga rin siyang napatingin sa kanilang bench at nakita niya ang nagwawala niyang mga kasamahan na ngiting-ngiti at tuwang-tuwa habang nakatingin sa kanya.
“Sabi na nga ba at idol ninyo ako,” pagmamalaki niya sa kanyang sarili. Muli rin siyang napatingin kay Mendez na kagaya pa rin kanina, napakasaya nitong pagmasdan kapag narito sa loob ng court. Naglakad na nga siya papunta sa free throw line. Kagaya kanina ay naririnig pa rin niya ang malakas na kantyaw sa kanya ng mga supporters ng kalaban at ni Ibañez, pero wala na siyang pakialam sa mga ito.
Pinakawalan niya ang bola at ang bonus shot niya ay pumasok sa b
