ANG MGA fans ni Ibañez ay natahimik sa kanilang nasaksihan. Isang manlalaro kasi ng CISA ang bigla na lang dinakdakan ang binansagang pinakamagaling na manlalaro ng CBL. Lahat sa mga ito ay napatingin na lamang kay Dizon at napaisip kung sino ito. Hindi naman nila gaanong napapansin iyon sa mga laro ng CISA dahil para sa kanila ay puro yabang lang ito. Mula sa katahimikang iyon ay isang grupo ng supporters ni Ibañez ang kinantyawan si Larry Dizon.
“Tsamba mo lang iyan Dizon! Nauna ka lang sa pwestuhan! Babawian ka ni Ibañez!”
Ang mga sigaw na iyon ay mabilis na kumayap sa mga manonood.
“Imposibleng matalo mo ang best player ng CBL. Wala ka pa sa kalingkingan niyan. Talunin mo iyan Ibañez!”
Umalingawngaw ang malakas na cheer para kay Karlo Ibañez at kinalampag pa lalo ng CU
