KATATAPOS lang maligo ni Maryey nang makarinig ng tunog ng door bell. Napakabilis namang bumalik ni Sergio kung ang asawa nga niya ang dumating. Pero imposibleng si Sergio iyon dahil alam naman nito ang code ng digital lock ng pinto ng condo unit nito.
Nagsuklay muna siya ng buhok bago hinayon ang main door ng condo pagkuwan ay binuksan. Sandali siyang natigilan nang makita ang magandang babae na nasa labas ng pinto. Pilit kinikilala kung sino ang babae. Pamilyar ito sa kanya. Pero hindi niya maalala kung saan niya ito nakita.
Kiming ngumiti ang babae. “Si Sergio?” alanganin pa nitong tanong.
Hindi niya napigilan ang sarili na mabilis tingnan ang tiyan ng babae. Maliit ang tiyan nito, imposible naman na nabuntis ito ni Sergio. Sa isip ay mabilis din niyang ipinilig ang ulo. Kung ano-ano
