MULING tiningnan ni Sergio ang pinto ng condo nila ni Maryey. Pagkuwan ay tiningnan ang oras sa relong pambisig. Magdadalawang oras na itong wala. Tumayo na siya at ipinasya na itong hanapin. Hindi niya ito sinundan dahil alam niyang kailangan nito ng sandaling space para makahinga at makapag-isip ng maayos.
Ngunit magdadalawang oras na ay hindi pa rin ito umuuwi. Iyon ang unang beses na nagkasagutan sila ng ganoon. Hanggat maaari ay iniiwasan niya na mangyari iyong ganoon sa kanila. Pero nangyari pa rin.
Marahas siyang bumuntong-hininga habang naghihintay bumukas ang elevator.
Ewan ba niya sa kaibigan niyang si Aileen at napakaganda ng timing. Kaibigan lang niya ito at hindi humigit pa roon ang kanilang relasyon. Kapag may personal itong problema na gusto nitong ihinga at humingi ng pa
