PUTING kisame ang namulatan ni Maryey nang siya ay magising.
“B-baby,” nanghihina niyang anas. Akmang hahawakan niya ang tiyan nang hindi niya maigalaw ang isang kamay. Saka lang niya nagawang ipaling ang tingin sa gilid niya. Hawak-hawak ni Sergio ang kamay niya habang nakasubsob ang mukha nito sa may braso nito. Mukhang nakatulog ito.
Ginamit niya ang isang kamay na may nakalagay na dextrose at kinapa ang tiyan niya. Pakiramdam niya ay nabunutan siya ng tinik nang makapa na umbok pa rin iyon. Mayamaya pa ay naramdaman niya ang munting paggalaw sa kanyang tiyan.
Unti-unting nanlabo ang mga mata niya dahil sa luha nang maramdaman ang paggalaw ng kaniyang anak.
Thank you, Lord, hindi mo pinabayaan ang baby ko. Salamat po, pipi niyang usal.
Nang ipikit niya ang mga mata ay animo bumalik
