“HINDI ba tayo uuwi sa condo?” may pagtatakang tanong ni Maryey kay Sergio nang iliko nito ang kotse nito sa Valle Encantado Village.
Apat na araw rin siya sa Salcedo Medical Center bago pinayagang ma-discharge. Binantayan din kasi ng kanyang doktor ang FHR o Fetal Heart Rate ng anak nila ni Sergio sa kanyang tiyan. Pinayagan lang siyang ma-discharge ngayong araw nang maging okay na ang lahat sa kanya sa ika-tatlong araw niya sa SMC.
“Sa UHB Leisure Club muna tayo uuwi.”
“Dadaanan ba natin si Ynho?”
Umiling si Sergio. “Doon daw muna si Ynho sa bahay. At bukas susunduin naman doon ni Papa Rico si Ynho, sa inyo naman muna si Ynho. Sinasamantala nila na sa kanila muna si Ynho habang nagpapalakas ka.”
“Hon, miss ko na si Ynho.” Ilang araw niyang hindi nakasama ang anak. Pakiramdam niya ay
