NAGSALUBONG ang mga kilay ni Maryey nang ipatong ni Sergio ang mga paa niya sa may hita nito. Pagkuwan ay minasahe nito iyon na ikinakislot niya dahil sa kiliting hatid ng paglapat ng kamay nito sa balat niya.
“Hon, hindi naman ako pagod para i-massage mo pa,” saway niya sa ginagawa nito.
“Maganda ‘to para sa iyo. Relax ka lang diyan at hayaan mo lang ako sa ginagawa ko,” ani Sergio na ipinagpatuloy ang marahang pagmamasahe sa parteng paa niya.
Nakikiliti siya sa ginagawa nito kaya hindi niya napigilang mapahagikhik. “Hon, please, tama na nakikiliti ako.”
Nangingiting inihinto nito ang ginagawa. “May kiliti ka pala rito.”
“Hon!” palirit niya nang animo nananadya pa na paglandasin nito ang kamay mula sa paa niya paakyat sa binti niya. Hindi siya mailayo rito ang mga paa dahil hawak ng
