NAALIMPUNGATAN si Sergio nang maramdaman ang pagyugyog ni Maryey sa kanyang braso.
“Hon,” patuloy nitong tawag sa kanya.
Pupungas-pungas na nagmulat si Sergio nang mga mata. Ngunit nang makita ang kanyang asawa na gising ay mabilis siyang napabangon para maupo.
“Hon, bakit gising ka pa?” kinuha niya ang relong pambisig niya sa may bedside table at tiningnan kung ano’ng oras na. Alas dose pa lang ng hating gabi.
“Gusto ko ng lugaw na may dalawang itlog,” ungot ni Maryey.
Muli niyang binalingan ang asawa. “Lugaw na may itlog?”
Sunod-sunod ang naging pagtango nito. Saan naman sila makakabili ng lugaw na may itlog ng ganoong oras?
“Hon, sarado na ang mga restaurant dito ng ganitong oras. Night Out Bar na lang ang bukas.”
“Pero gusto ko ‘yon,” giit nito.
Iyong hitsura ni Maryey na anim
