TAPOS ng maligo si Maryey kinaumagahan ngunit tulog pa rin si Sergio. Pumunta siya sa kama at naupo sa may tabi ng asawa niya. Malapit ng mag-alas otso ng umaga pero siya pa itong naunang nagising kaysa rito. Hindi niya alam kung anong oras na nakatulog si Sergio dahil nauna siya ritong nakatulog kaninang madaling araw.
“Hon,” aniya na tinapik-tapik ng marahan ang pisngi nito. “Tanghali na po. Gutom na kami ni baby. Gising na.” Hinalik-halikan pa niya ito sa mukha nito. Mukhang napuyat niya ito masyado nang gisingin niya sa kalagitnaan ng gabi kagabi.
Umungol lang si Sergio.
Napangiti siya nang matitigan ang guwapo nitong mukha. Pinaglandas niya ang hintuturo sa pisngi nito papunta sa labi nito. Pagkuwan ay ginawaran iyon ng halik.
“Hon, wake up,” malambing niyang saad.
“Five minutes,
