“DALAWANG pares lang naman ‘yong nakasulat na pangalan sa Baptismal Certificate ng bata, pero ano itong nakikita ko?” biro pa ni Wayne nang makapasok din ito sa loob ng simbahan.
Araw iyon ng binyag ni Ynho.
“Hindi naman lahat ay magnininong at magnininang. ‘Yong iba ay makikikain lang,” ani Sire.
Napangiti si Maryey sa naririnig na usapan. Binyag nga lang naman ni Ynho pero ang dami ring pumunta sa simbahan. Nabura lang ang ngiti sa labi niya nang makita ang pagdating ni Yahir Martini. Nasundan niya ang hinahayon ng tingin nito. Nakatingin ito sa Ate Nati niya na hindi umaalis sa tabi ng kanyang ama. Her safe place at the moment. Alam niyang hahanap at hahanap ng pagkakataon si Yahir para makausap ang kanyang kapatid pero malas lang nito dahil hindi aalis ang Ate Nati niya sa tabi ng k
