NILAPITAN ni Maryey si Yahir. Nagpresinta kasi ito na ito na ang magsasabay kay Nati papunta sa UHB Leisure Club dahil two seaters lang naman ang kotse ni Sergio. At pumayag ang kanyang kapatid dahil no choice rin naman ito.
“Umayos ka, ha? Baka kung saan mo dalhin ang kapatid ko,” aniya rito. “Baka dalhin mo sa biglang liko.”
Pagkasara ni Yahir sa compartment ng kotse nito ay may munting ngiti pa sa sulok ng labi nito nang harapin si Maryey. “Ang sama naman ng iniisip mo sa akin, Maryey. Magtiwala ka naman paminsan-minsan.”
“‘Yon na nga, eh. Nakakapag-alangan na magtiwala sa iyo. Kinikilabutan ako sa ikinikilos mo, sa totoo lang,” aniya na hinimas-himas pa ang mga braso. “Spare my sister, Yahir. ‘Wag mo siyang idagdag sa collection mo. Baka maibaon kita sa lupa ng buhay kapag umiyak si
