Alya Maia “AMARIE” Rientes
Sa bawat araw na lumilipas ay nasasanay na akong magising sa kaniyang bisig. Ang kaniyang mahigpit na yakap ay nagbibigay sa akin ng payapang pag-iisip at pakiramdam. Iyong mga haplos niya ay bumubuhay sa aking mga dugo at ugat. Sa tuwing dumadampi ang kaniyang hininga sa aking balat ay nagpapatayo sa aking mga balahibo.
‘Masaya, payapa at kuntento.’ Iyan ang nararamdaman ngayon.
Ilang araw na ang lumipas mula noong mag propose siya sa akin pero hanggang ngayon ay hindi pa rin ako maka get over sa mga nangyari. Parang ang bilis-bilis ng pangyayari na naiisip ko na parang panaginip lang ang lahat.
Unti-unting nagkakaroon ng liwanag at direksyon ang aking magulong isip sa kung papaano ko maibabalik ang buhay at ala-ala na nawala sa akin. Alam kong darating a
