Kael “DR. KAEL” Guzman
Mahigpit akong napahawak sa manibela ng aking sasakyan. Magkasalubong ang aking kilay habang tinitingnan ang kotse sa aking harapan na hindi kalayuan ang pagitan sa akin.
Nagmamadali itong magpaandar. Halos mag overtake na siya sa mga sasakyan na nasa kaniyang unahan. Binubusinahan na siya ng ilang mga sasakyan dahil sa kaniyang ginagawa. ‘Maari siyang madisgrasya o makadisgrasya.’
“Huwag niyong hahayaang mawala sa paningin niyo ang sasakyan ni AJ!” utos ko sa kanila. Gamit ang wireless earphone ay hindi ko tinanggal ang komunikasyon sa aking mga tauhan.
“Copy, Boss!” sagot nila.
Naiinip, hindi mapakali at nangangamba ako dahil medyo malayo na ang sasakyan na sinusundan ko. Naipit pa ako sa traffic at hindi makasingit.
Sinusulyapan ko ang maliit na monitor sa
