Alya Maia “AMARIE” Rientes
Nagyayang lumabas ang mga girls. Ang meet up sa isang cafe. Hindi naman ako nangangamba dahil tulog naman si Kenjie ng mga bandang hapon.
“‘Ya, ikaw na po ang bahala kay Kenjie!” bilin ko.
Ngumiti si Yaya Mildred, “Oo! Mag-enjoy kayo sa lakad mo. Mas maganda kung dadalasan mo rin ang pag-alis-alis para hindi ka nabuburyong dito sa bahay.”
“Opo,” sagot ko. “Dadalhan ko kayo ng pasalubong para pampalubag loob,” sambit ko na may halong tawa. “Thank you, ‘Ya!”
Hinalikan ko si Kenjie sa noo bago tuluyang umalis.
Pagbaba ko sa sala ay nadatnan ko roon si Daddy.
“Napaaga po ata ang uwi niyo?” tanong ko. Sinalubong ko siya ng halik sa pisngi.
“Medyo sumama kasi ang pakiramdam ko,” tugon niya sa akin. “Ilang araw na rin kasing kulang ang tulog ko.”
Tumabi ako sa
