Alya Maia “AMARIE” Rientes
Inisa-isa ko ang cabinet at pinili ang ilang mga damit doon. Pinili ko lang ang maaring magamit ni Yna sa kaniyang pag-uwi sa New York. Makakapal at long sleeve na damit ang mga inilagay ko sa kaniyang mga bagahe.
Halos dalawang bagahe na ang nalagyan namin ng damit at hindi pa ako nakuntento sa kaniyang mga dala.
“Yna, punta tayo sa Mall?” tanong na yaya ko sa kaniya.
“Mall?” takang tanong niya. Tinutupi niya ang ilang damit at inilalagay sa bagahe. “Anong gagawin natin doon?”
“Bibili ng mga damit,” sagot ko. “I think kulang iyong mga pants mo na makakapal.” dugtong ko pa.
“Okay na ito, Alya. Marami akong gamit sa New York. Over luggage na nga ako dahil halos lahat ng damit ko ay ipinadala mo na!” tugon niya pa. “Halika nga rito,” senyas niya.
Lumapit ako
