JAMES
Walang nangyari sa paghahanap ko at tracing sa number ni Amara. Natatakot ako sa paraan kung paano niya ako kinausap kanina. Mas nakakakaba na pormal siya kung magsalita kumpara sa normal na ugali nito na mataray ito.
Mabigat ang hakbang na tinungo ko ang lobby kung saan naghihintay si Melvin at ang team nito para ihatid ako sa bahay ko sa Mandaluyong.
Doon na ako tuluyang umuwi kahit under renovation pa ang ibang bahagi nito dahil napabayaan na ni Santiago.
Malalim na ang gabi ng makarating ako. Hindi naman ma-traffic at wala pang isang oras ay nakarating kami sa Palladium dahil malapit lang ang Makati sa Mandaluyong.
"Sir, may naghihintay po sa inyo kanina pa," sabi ni Manang Irma ang katulong na dating tauhan ni Santiago.
Pinaimbistigahan ko ito at nalaman ko na wala itong k
