KARIM
NITONG mga nakaraang araw ay napapansin kong may nagmamasid ng bawat galaw ko, sa loob man o labas ng base. Mas tumindi tuloy ang hinala ko na may nakakaalam na ng ginagawa ko. Mabuti na lang at hindi nagtagpo ang landas namin ni Victoria. Ayoko siyang mapahamak dahil...dahil sa baka mauwi sa wala ang pinaghirapan ko. Oo, iyon nga.
Napailing na lang ako dahil sa ginawa kong pakikipagtalo sa aking sarili. Wala namang saysay ang ginagawa ko dahil sa una pa lang ay alam ko na ang layunin ko kung bakit ko ito ginagawa-iyon ay ang makuha ang luha ng succubus na iyon at wala nang iba pa.
"Karim?" Napalingon ako sa aking likuran at nakita ko si guro. "Bakit ka narito sa labas? Malamig at maraming lamok dito. Pumasok ka na sa loob."
"May iniisip lang po ako," sagot ko bago tumayo mula sa
