Hinabol niya ang asawa na bigla na lang nagtatatakbo palabas ng opisina niya. Pero hindi niya ito nahabol. Nagtawag pa siya ng security para mahabol ang asawa pero hindi na rin nahabol ng mga ito. Sinubukan niya itong tawagan pero naka off na agad ang cellphone nito.
"Damn!" Malakas niyang mura. Ito ang unang beses ng asawa sa Europe. Wala itong kakilala roon at hindi pa nito alam ang pasikot-sikot sa lugar. Tiyak na maliligaw ang asawa niya.
Alam niyang mali siya. Siya ang may kasalanan kung bakit biglang tumakbo palayo sa kanya ang asawa. Mahal kasi siya nito, at hindi niya matungunan ang pagmamahal niya sa asawa. Hindi naman kasi niya alam kung paano niya malalaman na mahal niya ang isang tao. Ito kasi ang unang beses na tila narinig niya ang pagmamahal sa isang relasyon. Sa mga previ
