Nakarinig siya ng malalakas na sigaw at mga kalabog sa ibaba ng bahay matapos lumabas ni Sebastian ng silid nito. Naiwan kasi nitong nakabukasa ang pintuan ng silid kaya malinaw niyang naririnig ang mga nanyayari sa ibaba..
"Sebastian," tawag niya sa pangalan ni Sebastian at mabilis na bumaba ng kama. Nabanggit sa kanya ni Sebastian na nasa labas ang Daddy niya. Hindi niya alam kung ano ang nangyayari at bakit narito ang Daddy niya. Sa makalawa pa dapat ang dating nito at ni Sally galing sa bakasyon ng mga ito sa hongkong. Pero ewan niya kung bakit narito na ang mga ito.
Nagtatakbo siya pababa ng hagdan nang marinig ang galit na galit na sigaw ng Daddy niya.
"Walanghiya ka Sebastian! Pinagkatiwala ko sa iyo ang anak ko. Tapos ganito pa ang gagawin mo sa akin?!" Narinig niyang sigaw ng D
