"Ginawa mo talaga iyon Scar?!" Bulalas na tanong sa kanya ni Brianna matapos niyang maikwento sa kaibigan ang ginawa niya kagabi para maakit si Sebastian. Nahihiya siyang tumango sa kaibigan. Ewan ba niya kung bakit bigla siyang nahiya matapos niyang idetalye ang lahat sa kaibigan.
"Wow. Hindi ako makapaniwala na kaya mong gawin iyon," sabi nito sa kanya at pumalakpak pa ito.
"Bravo! Bravo!" Sabi pa ng kaibigan.
"Tama na nga iyan, Brianna," saway niya sa kaibigan at inikot ang mga mata.
"Paano ko naman itutuloy ang nasimulan ko na, ngayong wala na sa bahay si Sebastian?" Tanong niya sa kaibigan.
"Iyan ang problema mo ngayon. Mahigpit sa Tragora Subdivision hindi ka basta-basta makakapagtanong ng room doon, kahit kilala mo na," tugon naman ni Brianna sa kanya. Bumuntong hininga siya at
