"Brianna?" Gulat din sambit nito sa pangalan niya nang makilala siya.
"It's you, Brianna," ulit pa nito sa pangalan niya. Wala naman siyang masabi, basta nakatingin lang siya sa gwapong lalaking kaharap, habang nakapulupot pa rin ang kamay nito sa bewang niya at nakakapit naman siya sa matipunong braso nito.
Napalunok siya habang hindi inaalis ang mga tingin sa mga mata nito. Masasabi niyang may magagandang mata si Joaquin. Makapal ang kilay nito na bumagay naman sa awra ng mukha nito. Matangos ang ilong nito at mamula-mula ang labi nito. Isama pang may maganda itong set ng ngipin. Matangkad ito, pang modelo ang tangkad nito at magandang katawan na mukhang alaga sa gym. Isama pa ang morenong kulay nito na lalong nagpapalakas sa pagkalalake nito. Hindi na siya magtataka kung bakit perfect
