Hindi niya alam kung ano ang pumasok sa kokote niya at bigla na lang siyang pumayag na maging escort ni Scarlett sa debut nito mamaya. Nasabi na niya mismo kay Scarlett kaya hindi na siya pwedeng umatras pa.
Nasa VincElla Hotel na siya sa isang silid roon na pina reserve ng Daddy ni Scarlett para sa mga bisita. Buti na lang at wala siyang kasama sa hotel room, kaya kahit papano kumportable naman siya. Hindi lang talaga niya maintindihan ang sarili sa biglaang naging desisyon.
Matapos nilang mag inuman ni Joaquin kagabi sa penthouse njya at nais na niyang tawagin si Scarlett para sabihin na siya na ang escort nito. Pero dahil na rin wala pala siyang cellphone number nito kaya hinintay na niyang mag umaga at pinuntahan na lang niyang personal ang dalaga. Iisa lang ang alam niyang nag udyo
