Nang makauwi sina Jericho at EJ ay saka ko lang napagtanto ang bigat ng aking sinabi kay Jericho. Sinabi ko ba talaga ‘yon sa kanya? My god, ano’ng nangyari sa akin? Bakit nagbitiw ako ng salita na maaaring maging dahilan na aasa siya?
Habang nag-iisip kung ano ang aking gagawin, napadaan ako sa f*******: account ni Aika at gaya ng inaasahan ko ay may bagong post ang babae. Natawa na lang ako sa caption nito na ‘a perfect family’ daw. Ang lapad ng ngiti ni Brent sa picture, ah! Samantalang noong kami pa ay bihira lang ito magpakuha ng larawan at kung meron man ay hindi naman ipapakita ang ngipin.
Ibig sabihin ay mas masaya nga siya sa piling ni Aika kaysa sa akin kaya ano pa ang hinihintay ko? Milagro na magkabalikan kami? My god, hindi naman ako ganun ka-martyr upang habambuhay na m
