Mabilis pa sa alas-kuwatro ang nagiging pangyayari. Parang sinakop ng mga kawatan ang buong bahay dahil hindi kaagad namalayan ng mga tao na nasalakay na pala sila ng grupo ni Knight. Iyun na lamang ang napagtantohan ng lahat, nang tuluyan nang maagaw na ni Knight si Hiro, mayroon nang nakatutok na baril sa ulo ng isang senador, at pinalibutan na si Knight ng kaniyang mga kasamahan upang maprotektahan siya habang tangay-tangay ang aking anak. Natutuwa pa ang walang hiya habang tinutukan si Hiro ng baril, sa kaniyang ulo.
Hindi ko alam kung ano ang pakay niya, ngunit isa lang ang natitiyak ako—ang aking pagnanais na mapatay siya.
Isang sundalo na kasamahan ng pangulo ang humarang sa akin bago pa man ako tuluyang makatakbo papunta sa puwestong kinaroroonan ng aking pamilya. Sinubukan ko pa
