Crimson Bullet
Season 2
April 8, 2021
Part 35: Aplaya at Minelba
"Kung ganoon sa halamang Aplaya pala nag simula ang lahat. Nasaan na ang halamang ito ngayon? At kaya ba mas dumami ang makakapangyarihang Miryoku dahil kumain din sila ng halaman?" ang hindi ko napigilang pagtatanong. Masyado kasing interesante ang pinag-uusapan at masyado rin akong namangha.
"Mukhang nagustuhan ni Tenjo ang paksa, Panginoong Jorad," ang wika ni ginoong Carlton.
Tumingin sa akin si Jorad at saka ngumiti. "Sige, Tenjo itanong mo lang ang mga bagay na nais mong malaman."
"Pero paano ko naman gagawin iyon e parang tulog naman ang matandang gabay?" ang wika ko naman noong marinig ko itong naghihilik.
Natawa ang mga kawal sa likod dahil laging tulog ang matanda kaya naman nilapitan ito ni Heneral Azusa at
