Crimson Bullet
Season 2
AiTenshi
Part 25: Pagtakbo
Sa pagpapatuloy ng pagbabalik tanaw ni Tenjo sa kanyang ala-ala..
Tila isang bangungot ang sinapit nina ginoong Carlton at Millard sa kamay ng kanilang mga kalahi. Hindi ko akalaing maaari silang pumatay ng kapwa nila Miryoku. Ngayon, heto ako walang patid sa pag takbo na para bang ang aking dinaraanan ay tila walang katapusan. Masakit na masakit ang akibng dibdib noong mga sandaling iyon. Ang aking puso ay tila nagkaroon ng lamat dahil sa kabiguan na aking sinapit. Ngayon, ang paghihintay kay Jorad ay bale wala na dahil tiyak kong mas malabo na kaming magkita.
Patuloy ako sa pagtakbo sa kabundukan paalis sa paligid ng palasyo ni Jorad, halos binilisan ko na ang aking pagtakbo ngunit hindi pa rin ito sapat dahil sa aking likuran ay m
