Crimson Bullet
Season 2
AiTenshi
April 4,2021
Part 29: Crimson Bullet
"Gumagawa ka na naman ng bala?" tanong ni Wilfred, ang aking kaibigang Apuryokan. Halos nakagawian ko na ang mag tunaw ng bakal at gawin itong bala, nakalagay dito ang espesyal na pulbura na kulay pula. Nito ko lang napag-alaman na ang aking dugo ay mayroong makamandag na lason na maaari gamitin sa pagpatay ng mga Miryoku, naging kulay pula ang pulbura dahil sa aking dugo na humalo at nagbigay ng matingkad na kulay dito. Kada isang bala ay sumabog, nagliliwanag at naglalabas ng pulang sinag na animo kometa.
Tinawag nila itong "crimson bullet" na halos 5 taon ko nang ginagawa at pinupulido. Pero may pagkakataon na pumapalya pa rin ito at hindi gumagana kaya madalas ay nalalagay ako sa alanganin. "Hanggang ngayon ay
