MASAMA ang loob ni Ellie. Gusto niyang magliwaliw. Nang wala pang pumapasok na nurse ay tumayo siya at nagbihis. Mabuti na lang wala nang dextrose na nakakabit sa kanya. Maliit na maleta ang pinaglagyan ng gamit niya, marahil ay si Margie ang nag-ayos.
Tahimik na sa labas ng private ward. Bitbit ang kanyang maleta ay dahan-dahan siyang tumakas. May pagkakataong nahihilo pa siya pero pinilit niyang maglakad hanggang makalabas siya ng ospital. Hindi na niya kilala ang sarili niya sa mga sandaling iyon. Nababaliw na ata siya. Kailangan niyang hanapin ang sarili niya na tila nawawala na.
Madilim na sa labas. Sumakay siya ng tricycle, pero hindi siya sa bahay nila bumaba kundi sa tapat ng disco bar. Gusto niyang makarinig ng ingay na likha ng malakas na tugtog at hiyawan ng mga tao. Ang weir
