MATAGAL bago nahimasmasan si Ellie. Kung hindi pa laliman ni Zyrus ang paghalik sa kanya ay hindi siya magigising sa katotohanan. Nanuot ang init ng halik nito sa kanyang laman. Ngunit hindi siya nakahabol sa halik nito nang lubayan siya nito.
“Kumain ka na. Babalikan kita after thirty minutes,” pagkuwa’y sabi ni Zyrus, saka siya iniwan.
Tulalang nakatitig pa rin siya sa nakasarang pinto kung saan lumabas si Zyrus. Nang humilab ang sikmura niya ay tiningnan niya ang pagkaing nakapatong sa ibabaw ng mesita. Umuusok pa ang sopas at isang cup na kanin. Mayroon ding dalawang hita na fried chicken, isang basong ice tea at isang basong tubig. Umupo siya sa silyang katapat ng mesa. Tinitigan niya ang pagkain. Na-over cook pa ata ang isang hita ng manok, malapit nang umitim. Patunay iyon na hind
