Sahara Xander a.k.a Avyanna
Kahit gusto ko siyang hagkan. Kahit gusto ko na patawarin na lang siya, dahil mahal ko siya. Kahit gustong-gusto kong patigilin ang oras ngayon para lang mabago ang lahat, wala na talaga akong magagawa. Ang kailangan ko na lang ay magpakatatag.
“Ano bang kulang? Ano ba ang hindi ko naibigay? Bakit hindi ako naging sapat? Bakit nangyayari sa akin ito? Ito lang ba ang kapalit ng pagmamahal na binigay sa kanya? Sa kanya na lalaking minahal ko?”
Buong magdamag akong umiiyak pagkatapos manggaling sa aking opisina. Kahit pilitin ko matulog, hindi ko magawa. Ayaw pumikit ng aking mga mata na tila ba may hinihintay na gusto makita.
“Avyanna?”
“Bff…”
“Ui, Sahara!” Gising ni Chandy.
Tinakip ko ang unan sa aking mukha. “Uhm!”
“Bumangon ka na! May meeting ka pa sa
