"TULUNGAN mo akong mamili ng Christmas decorations, Diday, ha? First time ko kasi ito," sabi ni Tere sa helper nila habang nagpapaikot-ikot sila sa mall. "Dati, wala akong pakialam tuwing Christmas. Hinahayaan ko na lang si Papa na mamili at magpakabit niyon sa mga katiwala."
"Opo, Ma'am Tere. Buti nga kayo, eh. Okay lang sa inyo na tulungan ko kayo sa pagpili. Samantalang iyong ex ni Sir Liam na si Ma'am Roxie, sinasama ako sa pamimili pero hindi hinihingi ang opinyon ko." Bumungisngis ang kasambahay na ilang taon ang tanda sa kaniya. "Okay lang naman po kasi tsimay lang naman ako. Kaso ang pangit ng mga designs niya. Magagalit pa kapag may nagsabing hindi maganda. Minsan nga, nagalit kay Sir Liam nang pinapalitan sa'min ang kurtina dahil ang dilim tingnan."
Habang nakikinig sa tuloy-tu
