PAGKATAPOS nilang kumain sa restaurant ay namasyal pa sina Tere at Liam. Dinala siya nito sa magagandang lugar. Walang pagsidlan ng kaligayahan ang puso ni Tere. Dahil sa buong maghapon na nagkasama sila ni Liam ay never silang nag-away. Alagang-alaga siya ng asawa. Walang sandali na hindi nito pinapasaya ang bawat oras niya. Basta ibang-iba ito sa asawa niya noon. Parang bumalik na ito sa dating Liam.
Halos lahat ng gustuhin ni Tere ay sinusunod ni Liam. At ngayon naman ay dinala pa siya nito sa Marikina para manood ng fireworks display bago raw sila umuwi.
"Excited?" tanong sa kaniya ni Liam habang magkatabi silang nakasalampak sa damuhan, naghihintay ng fireworks display.
Marahang tumango si Tere. "Oo naman. Ito 'yong gustong-gusto nating gawin noon pero hindi matuloy-tuloy dahil m
