ANG akala ni Tere ay sa intermission number na ng mga taga-Paraiso magtatapos ang sorpresa sa kaniya. Ngunit nagulat siya nang biglang pumailanlang ang malamyos na tugtugin.
"Ngayon naman po ay haharanahin tayo, especially our birthday celebrant, ng taong malapit din sa kaniyang puso," pahayag ni Jayden nang humina ang background music. "Ladies and gentlemen, let's give a round of applause to our heroic INTERPOL agent, who is none other than Sir Nicolo Gonzales!"
Pagkatapos na ipakilala ni Jayden ang susunod na performer ay muling lumakas ang malamyos na background music. Hanggang sa pumagitna sa stage si Nicolo habang kinakanta ang classic song na Leaving Yesterday Behind by Keno.
Nagulat si Tere sa pagpasok ni Nicolo. At alam niyang ganoon din ang pamilya at malalapit nilang kaibig
