EXCITED na bumangon si Tere nang araw na iyon dahil birthday niya. Umaasa siya na may sorpresa sa kaniya si Liam. Every year ay wala itong palya. Isa na tuloy ang sorpresa ni Liam sa kinasasabikan niya taon-taon. Last year ay naghanda ito ng romantic dinner sa garden na para sa kanilang dalawa lang.
"Good morning, hubby," todo-ngiti na bati ni Tere sa asawa nang magising ito.
"Good morning din, baby." Dumukwang si Liam at hinalikan siya sa mga labi.
Masarap ang halik ng asawa. Punong-puno iyon ng pagmamahal. Kaya ang akala ni Tere ay babatiin na siya nito pagkatapos. Pero dismayado siya nang ibang salita ang lumabas sa bibig ng asawa.
Chillax ka lang, Tere. Baka mamaya ka pa niya babatiin. Sigurado namang hindi siya papasok sa work.
"Maliligo na ako. Gusto mong sumabay?" malambing na
