NAPASINGHAP si Bernard nang sa wakas ay nakarating siyang muli sa dating mansiyon niya sa Mexico. Wala pa namang nagbago sa paligid, bukod sa mas gumanda iyon kaysa dati. Mukhang tinupad ng mga kaibigan niya ang pangakong aalagaan iyon.
"Nakaka-miss din pala rito, Boss," wika ni A. Ito ang kasama niyang bumiyahe papunta rito sa Mexico.
"Oo nga. Siyempre, dito tumibay ang pagkakaibigan natin, eh." Nakangiting tinapik ni Bernard ang kaibigan. "At dito natin nakilala ang mga asawa natin."
Tumango-tango si A. "Tama. Kaya kahit marami tayong nagawang pagkakamali sa lugar na ito, ang sarap pa ring balikan."
"Boss B!" masayang salubong sa kanila ni C. Katulad nina E, D at B ay pinili na rin nitong bumalik sa Mexico para dito na ipagpatuloy ang buhay.
"Bakit hindi man lang kayo tumawag na n
