INI-OFF ni Tere ang plantsa nang lumapit sa kaniya si Hannah. Nasa loob siya ng walk-in closet nang mga oras na iyon at nagpaplantsa ng mahahalagang damit ni Liam. Hanggang ngayon ay pinanindigan niya ang personal na pag-aasikaso sa asawa. Pati sa kanilang mga anak ay hands on din siya. Kahit gaano pa siya tinututulan ni Liam.
"Hi, Mama Tere," nakangiting saad ni Hannah.
Nagtataka siya kung bakit suot-suot nito ang mamahaling kulay pink na dress na regalo niya noong nagdaang Pasko. Nakasuot din ito ng kulay pink na sapatos at nakaayos ang buhok. Napakagandang bata ni Hannah. Mag-i-eight years old pa lang pero parang dalagita na tingnan. Pati ang kilos at pananalita nito ay parang malaking bata na. Sa ilang taon na pananatili nito sa poder nila ay natuto na rin itong magsalita na katula
