AYVEE’S POV:
Nakatayo ako sa harap ng napaka-gandang wedding gown na pinagawa ni mama para sa’kin at mataman ko itong pinagmamasdan. Ilang araw na lang ay ikakasal na ulit ako kay Lucas at iyon na ang pinaka-masayang araw na mangyayari sa’kin. Hinaplos ko ang wedding gown ko na napapalibutan ng mga kumikinang na beads at simple akong napangiti. Simple lang sana ang gusto kong suotin sa araw ng kasal ko pero ang dalawang nanay ko na si Mama Divina at Mommy Amalia ay mas gustong magandang wedding gown ang isuot ko dahil minsan lang naman daw ako ikakasal at lubusin ko na raw. Masaya ako dahil nakikita ko sa mga mukha nila kung gaano rin sila kasaya para sa amin ni Lucas.
Hindi ko namalayang may munting luha ang tumulo sa aking pisngi dahil hindi ko maiwasang alalahanin si daddy. Pangarap
