"He'll be fine, babe. Magaling na doctor ang kapatid ko." Paniniguro sa kanya ni Jio habang nag-iintay sila ng tawag ni Cathy na siyang kasama ng mga magulang sa ospital. Agad niya pinauwi si Jio nung mabalitaang bigla na lang bumagsak ang tatay niya habang nagsasabong. Hindi na siya hinayaan pa ng asawa na pumunta doon at advise din naman ni Cathy na ito na ang bahala. Ginagap ni Jio ang kamay niya upang kalmahin siya. Mabuti na lang tulog si Micah nung mga oras na iyon.
Kung bakit kasi nagkapera lang ay nagbisyo agad. Gusto niya sumbatan ang mga magulang dahil pinaghirapan ng kuya niya ang nilulustay ng mga ito. Katatanggap lang lahat nila yung amount na nakasaad sa last will ng nakatatanda niyang kapatid. Yung sa part niya at ni Micah, nilagay lahat ni Jio sa banko bilang emergency fun
