Chapter Seventeen:
"Kumusta ka naman, anak? Ayos ka na ba?" Nakangiting tanong sa akin ni mama ngunit halata sa kanya na nag aalala siya.
"Ayos lang po ako, ma. Kayo po kumusta kayo?"
Umawang ang mga labi ni mama at saka nilingon si papa sa kanyang tabi. Nagkibit balikat si papa bago ibinaling muli ni mama ang tingin niya sa akin.
"Sigurado ka ba anak? Mukha ka talagang okay." Hindi makapaniwalang tanong ni mama.
Natawa ako dahil doon. Hindi ko alam kung maiinis ba ako sa naging sagot ni mama.
"Ma, ayos nga lang po ako. Ano po bang problema?"
Umiling si mama at saka kinuha iyong baso ng orange juice na nakalapag sa lamesa at uminom mula roon.
"Isang buwan pa lang ang nakalipas mula noong naghiwalay kayo ni Jerard. Mukhang ayos ka na kaagad, paanong nangyari iyon anak?" Si papa nama
