Chapter Seven:
Masakit ang pagitan ng aking mga hita nang magising ako kinaumagahan. Alam ko ang dahilan dahil hindi naman ako nalasing kagabi. Hindi pa naman ako na-uulyanin para makalimutan ang nangyari kagabi. Bawat detalye'y tandang tanda ko pa rin.
Nilingon ko si Claudius na nasa tabi ko, nakayakap ang mabigat niyang braso sa aking beywang habang ang kanyang mukha ay nakasubsob sa aking leeg. Nakikiliti ako sa mga mumunting bigote niya ngunit ayaw kong gumalaw dahil ayaw ko siyang magising.
Nanatili akong nakatitig sa kisame habang dinadama ang init ng katawan ni Claudius. Hubad pa pareho ang mga katawan namin. Dahil sa pagod ay nakaligtaan na'ng magbihis.
Gusto kong i-untog ang ulo ko sa kisameng tinititigan ko ngayon dahil sa sobrang inis. Nagkamali ako. Sabi ko na nga ba'y mag
